الالام لم يعرف سببها؟
السلام عليكم ورحمه الله وبركاته،
عندي الآلآم تجيني في كلا الفكين العلوي والسفلي والاسنان وما بينها بالرغم انو كان عندي بعض الاسنان فيه تسوسات خفيفه لسا ما فيها الآلآم بس نظفها الدكتور وحشاها حشوات دائمه وفيه واحد الى الحين قاعده اتعالج منو علاج عصب وبعد كذا قطع ذروه لنفس السن وضروس العقل العلويه خلعتها خلع عادي والسفليه خلع جراحي بس coronectomy وعندي تراكب في الاسنان الاماميه السفليه من الناب الى الناب والتراكب في العلويه بس في الثنيه اليسرى طالعه فوق الرباعيه اليسرى شوي والباقي صفتها تمام
هذي مشاكل اسناني كلها ذكرتها
الآلآم تجي في الاسنان كلها وبينها والآلآم في اذاني كمان تجي وتروح فجأه وفي اوقات مختلفه بشكل يومي احيانا فجأه بدون سبب واحيانا اذا اكلت او شربت اي شيء قبل يومين رحت لدكتور وكشف ع اسناني كلها قال سليمه ونظيفه مافيها شيء ،
سؤالي / ايش سبب هذي الآلآم هل فيه تسوس بين الاسنان هو اللي مسببه هذا كله وكيف اعرف؟
هل ممكن سبب هذي الآلآم السن السن اللي قاعده اتعالج منو علاج عصب طيب كيف معقوله يسبب الم في الفم والاسنان كلها ؟
والا من الجذور الباقيه من ضروس العقل ؟ والا من التراكب الموجود في الاسنان المذكوره ؟ والا ايش ممكن يكون .......؟
اسفه طولت بس حبيت اوضح كل شيء وشكرا......