انا بنت عمري 22 سنة اعيش بدولة الامارات العربية المتحدة ... أعاني من 4 سنين تقريبا ( من ايام الثانوية العامة) من حالة غريبة بلساني !! .... في بقع بنفسجية اللون على اسفل لساني والجوانب منتشرة بشكل مؤذي ومقرف ( الله يشفي الجميع ) وفيه نفس الطبقة البيضاء الخفيفة على سطح اللسان من الخلف واحيانا يكون لونها اصفر واحسها حلمات التذوق شويه طويله !!! ..
في البداية كنت احس بطعم صدأ بلساني بس بعدين اختفى هالطعم لكن البقع مازالت موجوده والطبقة البيضاء ايضا. رحت عند دكاتره كثيرين بس اغلبيتهم قالوا انهم مايعرفوا !!!!
اخر شي رحت عند طبيب عام وسووا لي الكثير من تحاليل الدم لانه كان يشك انه مرض بس ما كان فيني اي شي الحمدلله كل النتايج كانت جيده .. و عطاني ادوية بس هذه الادوية أثرت سلبا عليا .. طاح شعري وكنت امرض دايما ... ولما رحت عنده وما كان في اي تحسن حولني لدكتور اخصائي فم وحنجره وحول معاي نتايج فحوصاتي ..
اول ما شافني الدكتور قال لا تخافي هذي الوان تظهر باللسان لسبب غير معروف ويمكن تروح ويمكن لا ... وعطاني فيتامينات وانا كنت على امل انها تروح .. بس ماراحت والحمدلله على كل حال ..
و الله يا دكتور اني اعاني من لساني !! ولما اتكلم او ابلل شفاتي تبين البقع واااضح وانا انحرج بصراحة !! تعبت و الله تعبت ومحد يحس فيني !!! و الله لما اشوف لساني بالمرايا عيوني تدمع واحس بالنقص !!! ... ( الحمدلله على كل حال )
زواجي قريب ان شاء الله .. ومادري ايش بقول لزوجي لما يشوف لساني
ارجوك دكتور افيدني وريحيني الله يريحك دنيا واخرة يااارب ..

وسلامتكم .... اسفة طولت عليكم

الدكتور الأخير الذي إستشرتيه قال الحقيقة ، هذا الوان التي تريه على لسانك هو طبيعي ، وغير معروف السبب ويسمى اللسان في هذه الحالة اللسان الجغرافي ... الكثير من الناس لديهم لسان مثلك لذلك لا تقلقي

جزاك الله كل خير
مشكووووور تسلم يادكتور ماقصرت