استفسارات عن حـالة أسناني
 

السلام عليكم ورحمة الله وبركاته
يعطيـك العافية دكتورنـا الكريـم
عندي استفسارات كتير لأسناني الله يكرمك تجاوبني عليـها
أنـا تقريبا عامـلة 7 تلبيسات لأسناني ومركبـة سـن انخـلع من وانا صغيـرة
ومش كل الأضراس الي عامـلة لهم تلبيسات شايلة منهم العصب
وزيادة على هيك عندي 4 اسنان حاشيتهـم حشوات
* هـل حال اسناني طبيعـي وممكـن ما تتخـلع واحافظ عليـها ؟؟

تاني شي فيه عندي بين ضرسيـن
بين ضرس محشي حشوة زئبق وبين ضرس ملبـس
فراغ بسيـط بس بيضايقنـي لما آكل شي
الدكتورة قالت احسن انك تلبسيـه عشان ما يلزق بين الضرسين أكل وتنضر اللثـة
وأنـا فكرت ألبسـه عشان بكره حشوة الزئبـق
وبرضـه ما بدي أزيد عدد التلبيسـات بأسنـاني
بس مش عارفـة هل الحـل صحيـح ولالا ؟

طيب أنا عندي ضرس الدكتور قال انه بده خلع في الفك السفلي
مش ضايل منه غير شي بسيط والمعدن والتلبيسة الي كانت عليه سقطت
طيب هلاء لو خلعته هيصير فيه فراغات بين اسناني لما أكبر
مع العلم ان فيه سن تحت فوق السن الي جنبـه بس بشكـل بسيـط ؟


السؤال الأخير انا عجبتني كتير تلبيسات وحشوات الزيركون
لو بدي اعملهم بقدر اشيل الحشوات والتلبيسـات عادي ولا فيه مشكـلة
وتلبيسـة الزيركون الواحـدة كم بتكـلف
وكـذلك الحشـوة الزيركـون كـم بتكـلف

شكرااااا كتير الـك وآسفـة على الازعاج

ملحـق مع موضوع استفسارات عن أسناني
 

1- من أي بلد أو دولة السائل .
فلسطين
- العمر .
26
- المهنة والدرجة العلمية .
بكالوريوس
المهنة معلمة
- كيف تعرفت على موقعنا وما هي الكلمة التي إستخدمتها في محرك البحث جوجل التي أوصلتك إلى عنوان موقعنا .
حشوات الزيركون
- مدخن أو غير مدخن .
غير مدخنة
- هل تعاني من أي أمراض .
لا ما عدا نقص الكالسيوم وضعف الأسنان

معلش انا جديدة وكتبت موضوع وما عرفت ضرورة الاجابة على هذه الأسئلة قبل ارفاق موضوعي السابق

لا يمكن أن أجيب على هذه الأسءلة بدون صورة شعاعية وكشف ععلى الأسنان في عيادتي

السؤال الثاني لبسيه أو قولي لدكتورة تحشيه حشوة كبيرة تسد الفراغ
السؤال الثالث ممكن أن يحدث فراغات بعد قلع بعض الأسنان
بالنسبة لتلبيسات والحشوات ممكن تزيلي القديمة وتضعي غيرها بالنسبة للأسعار فهي موجودة في الموق ممكن تراجعيها

شكراً دكتور
طيب عندي بين السن الأمامي والسن الي جنبه
كان فيه تسوس ونظفته الدكتورة وحشته حشوة بيضة من قريب سنتين
هذه الأيام صار يوجعنـي شفت الحشوة ساقـط منها شوية
بس انا مش عارفة من شو الوجع هل من سقوط قليل من الحشوة
أم انه لازم شيل عصب السـن

* طيب في حالة انه كان ضروري شيل العصب ممكن ارجع احشيه حشوة بيضة
ولا لازم تلبيسـة مع اني مو حابة البسـه بالمرة

* وسؤال تاني هل لو كان عصب هاد السن ملتهب ممكن ينتقل الالتهاب لأعصاب الأسنان المجاورة ؟

بالنسبة للحشوة اله يعلم أنتي زوري الدكتور الله يخليكي وحتجاوبك على كل الأسئلة لأن أسئلتك تحتاج لأثبات

بعد شيل العصب من المفروض السن يتلبس
ولا يمكن إلا في حالات نادرة إن ينتقل التهاب العصب إلى عصب أخر

دكتور اذا بدي آجي عيادتك بس بعد تاريخ 15\ 10 \2010 وبعد التخفيضات
حشوة الزيركون كسعر لـها بعد التخفيض كم تكلفتـها
وتلبيسة الزيركون كذلك كـم ؟
الله يعطيك الف الف عافية

الأسعار هي نفسها بعد الأنتهاء من العرض لأنه سيمدد مرة أخرى بسبب الأقبال الكبير على الفكرة

طيب دكتور بينفع أعمل تلبيسـة وحشوات عندك لـ 14 ضرس تقريباً في مدة ما تزيـد عن عشـر أيام ؟!
شاكـرة لك سعـة صدرك الله يوفقك يارب

نعم ممكن في وقت أقل من الذي ذكرتيه حيث تحتاجي إلى 6 أيام فقط